الفردوس الاعلى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول
         السلام عليكم ورحمه الله وبركاته نرحب بكل اعضاء المنتدى ونرحب بالزائرين ونقدم الشكر لكل من ساهم فى اقامه هذا العمل            للتأكد من صحه الاحاديث من هنا

 

 سبع فوايد للامتحانات

اذهب الى الأسفل 
2 مشترك
كاتب الموضوعرسالة
عزت الشاعر
الاشراف
الاشراف
avatar


اوسمة : سبع فوايد للامتحانات Z1
عدد المساهمات : 255
تاريخ التسجيل : 05/11/2009

سبع فوايد للامتحانات Empty
مُساهمةموضوع: سبع فوايد للامتحانات   سبع فوايد للامتحانات I_icon_minitimeالخميس فبراير 11, 2010 11:27 am

أولاًموسم
الامتحانات أعظم فرصة على الإطلاق للنوم،ولا نوم أهل الكهف كده، أول ما يبدأ الشهر
اللي قبل الامتحان تلاقيك بتنام بالعشرين ساعة وبتصحى ساعتين علشان ترجع تنام تاني
كنوع من التغيير يعني، والحجة الجاهزة: امتحانات.. والواحد بيعوّض في النوم عشان
يعرف يذاكر

*******
ثانياً

الامتحانات
فرصة هايلة لهواة الاكتئاب والسوداويين لممارسة هوايتهم المفضلة في الاكتئاب
والإكئاب في نفس الوقت.. لو حد سألك مالك؟ متسيبهوش إلا وهو متأكد إنك ساقط ساقط
وإن مستقبلك ذهب مع الريح بلا رجعة وإنك"مفقود مفقود مفقود" ياولدي، ومتقلقش..
براحتك أوي في العياط لو عايز واللطم كمان مفيش مانع

*******

ثالثاً
لو طبقت
القاعدة اللي فاتت باحترافية هتلاقي القاعدة التالتة هلت عليك بفوايدها، بما انك
هتعيش دور المكتئب المخنوق اللي مش طايق نفسه ولا حياته ساعتها ممكن تتسرب من البيت
كل يوم باليل بحجة إنك متضايق ومحتاج تشم هوا بعيد عن الكتب والبيت والمذاكرة أو
ترجع برضو للفايدة رقم واحد، عندك أوبشنز كتير.. وهيّص ياعم براحتك.. دي
امتحانااااات

*******
رابعاً
وانطلاقا من
القاعدة التالتة ممكن تستهلك حجة إنك مش فاهم حاجة في المادة وعايز تذاكر مع
اصحابك، وقتها بقى ممكن تعيشوا براحتكوا على أي قهوة أو مول، ولو الأمور ماتظبطتش
ابقوا برروا حكاية المول دي إن عندكم مادة مقررة اسمها علم الاجتماع في ظروف مواتية
للتواصل مع قوى الشعب، طبعا الظروف دي عبارة عن السجاير أو وجود النصف الثاني من
المجتمع

*******
خامساً
عندك نت؟.. حلو
أوي، الامتحانات بتهيأ لك الفرصة عشان تستخدم جملة: بجيب حاجات للمادة من على
النت.. كل ما تحب تقعد عليه بس خلي بالك لازم تكون منطقي ومقنع لأن مفيش حد بيقعد
ست سبع ساعات بيجيب في صفحتين من النت، الأهالي مبقوش طيبين وبيصدقوا الحاجات دي زي
زمان للأسف

*******

[size=21]سادساً

الامتحانات
بتتيح لك الفرصة تعيش حياة بوهيمية خالصة، ولمناهضي النضافة ممكن تستعبط وتسيب
فروتك.. شعرك يعني.. زي ماهو من غير حلاقة بحجة إنك معندكش وقت تسرّحه والتفاهات
دي، أو تطلق لدقنك العنان وأهو بالمرة بتدّي منظر وقور.. قال يعني الواد طاحن نفسه
في المذاكرة وهلكان ياحبة عيني
أما لهواة ترييح الجمجمة ممكن تروح تجيب شعرك ع
الزيرو بحجة برضو إنك مش فاضيله، بكدة هتوفر تمن كيلو الجيل اللي بتنقع شعرك بيه كل
مرة وانت نازل الشارع

*******
سابعاً
مخك شغال طول
السنة زي النحلة في التفكير، بمعنى انك بتفكر في كل حاجة إلا الدراسة ولا تقلق
خااالص في الامتحانات مش هتلاقي وقت تهرش أصلاً، يعني لا هتفكر في البت اللي سابتك
ولا الواد صاحبك الندل، ولا انتي هتفكري في العريس اللي مبيجيش وعلانة اللي اتجوزت
قبليكي مع انك احلى منها

*******

شفتوا بقى ان انتوا اللي بتتبطروا ع
النعمة وتقعدوا تلعنوا في ايام الامتحانات وسنين الامتحانات و الكلية والدراسة
والعيش والعيشة واللي عايشينها؟.. انا متأكد ان موسم الامتحانات اللي جاي هتحسوا
بقيمة امتحاناتكم وتقولوا ياريت السنة كلها امتحانات، وعلى رأي المثل اللي بيقول:
ياناكر خيري بكرة تشوف زمني من زمن غيري.. بكرة اما تتخرجوا هتحسوا بالضياع والوحدة من
غيرها

ملحوظة: الكاتب مش مسؤول عن نتائج الموضوع، آه معلش العمر مش
بعزقة
[/size]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
راجيه الفردوس الاعلى
Admin
Admin
راجيه الفردوس الاعلى


اوسمة : سبع فوايد للامتحانات W4
انثى
عدد المساهمات : 966
تاريخ الميلاد : 01/01/1986
تاريخ التسجيل : 02/11/2009
العمر : 38

سبع فوايد للامتحانات Empty
مُساهمةموضوع: رد: سبع فوايد للامتحانات   سبع فوايد للامتحانات I_icon_minitimeالخميس فبراير 11, 2010 11:54 am

ملحوظة: الكاتب مش مسؤول عن نتائج الموضوع، آه معلش العمر مش
بعزقة
طيب هايبقى مين المسؤول عن نتيجه تطبيق الكلام دا
طبعا الكاتب صح

لا لازم ايام الامتحانات نكون نشطيين اكثر
ومش نعمل حجج خالص
علشان نجيب تقديرات عاليه

[b]
[b]شكرا للموضوع الجميل اخى عزت

بارك الله فيك
[/b][/b]
الرجوع الى أعلى الصفحة اذهب الى الأسفل
https://frdosalaala.ahlamontada.com
عزت الشاعر
الاشراف
الاشراف
avatar


اوسمة : سبع فوايد للامتحانات Z1
عدد المساهمات : 255
تاريخ التسجيل : 05/11/2009

سبع فوايد للامتحانات Empty
مُساهمةموضوع: رد: سبع فوايد للامتحانات   سبع فوايد للامتحانات I_icon_minitimeالخميس فبراير 11, 2010 1:41 pm

راجيه الفردوس الاعلى
اسعدنى مرورك جزاك الله الفردوس الاعلى
الرجوع الى أعلى الصفحة اذهب الى الأسفل
 
سبع فوايد للامتحانات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الفردوس الاعلى :: المنتدى العام :: الحوارات العامه-
انتقل الى: